Enold Léon « Boss Léon »répond aux questions de J-COM

J_COM :Bonswa Boss Leon se yon plezi pou nou fè ti koze sa, sa kap fèt?

Boss Leon : Bonsaw J-com. Tout bagay anfom anfom

 

 

JC : Pale nou de Boss Léon, Kote Nonm sa Soti e ki vre nonw?

BS : Vrè non mwen se Enold Léon.Se kèlke zanmi kite konn toujou relem Boss Pou fasonm konn ap tchuip ,fason m te konn sèvi epi m vin ajoute siyati mwen ki se Léon. Yon fason poum idanfye mwen. m vini itizel kom non Atis mwen Boss Léo. Mwen fèt 6 avril 1988  nan rue St Leger Pierre Louis (Anba Loj) yon katye nan Jeremie se la mwen Grandi mwen fèt nan yon fanmi kretyèn mwen  2ème pitit nan fanmi an mwen fè etid primè mwen yo  nan college Jean Wesley , école nationale des talents sportif (ENTS) ak ecole nationale Edner Etienne mwen tout etid segondè mwen nan lycée Nord Alexis 7em jouk lan Filo.Mwen etidye kontablite ak infomatik mwen se gestionnaire des donnés nan foutbol mwen reprezante Jérémie 2 fwa nan chanpyona nasyonal U -13  an 1999 ak 2000. Mwen te fè pati selesyon nasyonal juillet 2000 a sept 2001. ki pat yon siksè pou mwen mwen te chanpyon ak Marseille FC nan chanpyona lig u 17 .mwen te vis chanpyon ak lyseé Nord alexis nan chanpyona entè skolè mwen te konn jwe nan Juvens FC Plas mwen te konn jwe se aryè santral mwen te pratike lot sport an 2006 mwen ale reprezante Lekol mwen Lycée nord alexis nan chanpyona Nasyonal skolè basketball u 18  aprè  plizyè mwa ak yon problèm nan jenou mwen ki vin devlope yon tumeur an Dec 2008 mwen pèdi pyè Goch mwen, mwen koumanse karye mizikal mwen an an 2009 avek Belijeran Crew ki te youn nan pi gwo group Rap Jérémie. Apre plizye kolaborasyon avek anpil lot atis m vin soti premye mizik solo mwen an fevriye 2010 ki gen Pou tit( kouraj Pou andikape )yon fason mwen antanke yon antikape Pou  mwen te pote yon mesaj Pou andikape tankoum Poum di yo lavi pa fini gen avni.Mwen koumanse yon karye Dj an 2012.

 

 

JC : Poukisa ou chwazi fè mizik?

BS : Mwen te chwazi fè mizik Poum jwenn rekonfò swit aprè amputation Mwen koz mwen pat  pratikè sport m te konn pratike yo muzik lan vin ede Jere stresse mwen Men koumya mizik koumanse rapote mwen ,li vin lot mwayen pou  mwen Poum antre kelke biyè nan poch mwen.

 

 

JC : Kijan ou we Tèt ou nan 5ans?

BS : Nan 5 an anko mwen wè yon Boss Léon ki komanse fè pale de li nan vil Jérémie an m pral rive fè pale deli nan tout peyi a e menm nan nivo international la.

 

JC : Pale nou de esperyans ou avèk Crescendo ?

BS : Esperyans mwen avèk crescendo se yon bagay extraodinaire. Cresendo ki youn nan pi gro association culturel nan vil Jérémie ki ouvè pou Tout Atis ki gen talan kapab montre talan pèmèt mwen vin parèt tèt mwen plis anvan mwen te gen yon Boss Leon ki konn chante sou yon beat, kounya m gen staff mizisyen kap jwe ak mwen.sa fèm vin commercial. Gras Ak Cresendo anpil Moun Jérémie vin konnen tout kalite talan mwen genyen e banm tout valè mwen.se esperyans kap kontinye chak prestation mwen ak group la.tout moun toujou satisfè de mwen sitou nan kompozisyon pa mwen yo.

 

 

JC : Animatè, Chantè, Dj. Kotew santiw pi alèz ?

BS : Ah pou kounya mwen santi alèz lèm chante pou satisfaksyonm toujou jwenn aprè chak prestation jan moun yo banm love la yo toujou felisite mwen pou konpozisyon pa mwen. Sa fèm kontan e pi alèz .

 

 

JC : Terapi Pam  Se Nom Emisyon Ou genyen Kounyea , Ki esperyans ou fè nan media jiska  Jodia ?

BS : Wi Terapi pam se non emisyon mwen gen kounya Nan radio power mix 97.5fm mw fè anpil esperyans nan media mwen komanse kom operatè nan radio izabèl An 2006 aprè mwen vin anime yon emisyon konpa aprè  plizyè  seminè  sou tèknik animasyon NDI te oganize mwen te pase 3 an nan radio izabel, an 2012 mwen te vin nan Radio CND mwen te pase kelke tan nan radio Jérémie nouvèl nan lambi menm kounya Nan radio power mix.

 

 

JC : Ki pi bon souvni ou gen nan zafè mizik? ki pi move souvni ou ?

BS : Pi bon souvni mwen genyen nan zafè Mizik se  lèm te nan filo Lise Nord Alexis tout elèv ap tann mwen vini ,lem vini tout rele Boss Léon  Boss Léon, apre lèm fin chante premye mizik kè m te konpoze ki gen Pou tit kouraj Pou andikape,e premye mizik studio mwen tout moun chante ak mwen avek kèlke prestasyon mwen fè ak crescendo. Pi move souvni se yon fwa m tap jwè program nan te kraze pandan map jwe  ak woch ak boutèy.

 

 

JC : Fanatik ki Atis ou ye

BS : Mwen renmen Bélo

 

JC : Yon message pou tout moun kap li interview a

BS : Pou tout moun kap li interview map di nou nan chak gen yon talan ,chache idantifye ki talan ou genyen Pouw metel o sèvis kominote WAP Viv LA .toujou prè Pou tande moun soti man sa ki piti pase w mizik se yon terapi li Geri mwen anpil epi rekonfote mwen toujou tande bon mizik ki ka edew deyè chak mizik yon Atis gen filozofi ki kache ,li gen yon mesaj li vle fè pase le nap tande yon mizik pran swenn tande fon teks Atis La pa tande selman melodi yo si nou remake bo lakay nou gen timoun ki gen talan kelkonk edel esplwat l.pa di leta ki Pou fèl sa tou.Boss Léon.

JC : Mèsi Boss Leon Pou tann sa ou bay nou, nou espère jwenn mizik ou byento.

BS : Mesi J-Com Pou atansyon nou pote ak mwen. Nan yon Ti tan ki pa two lwen nap jwenn mwen yon nouvo mizik Boss Léon sou yn lot tandans.

Share Button
A propos de Jérémiecommunication 20 Articles
La Communication Visuelle reflète l'identité de l'entreprise... Valorisez votre image avec Jérémie Communication.

Soyez le premier à commenter

Poster un Commentaire

Votre adresse de messagerie ne sera pas publiée.


*