Mache pa vann malereri an detay ni an gwo
Yon kout ri, yon plenn
Chante pote tout mak lavi
Tout sikatris sou patisyon
Chantepoudelivrans
Chantepeyizan
Mèsilwayo

Lamizè fèpitit nan tichòrèt li
Kite l chèche detwi lavi

Jou bondye tap simaye lanmou
Sentaniz potko fèt

Mache pa vann malere ri an detay ni an gwo
Si move lavi kwaze avèw
Ou mèt mandel renmen
Lanmou se sèl kote gwonèg pa leta

Kite m pwonmennen mizè m
Twa pou dis
Gade, jou zotobre al kwabosal
Konnen goudougoudou te pase petyonvil

Refren m se yon nòtre pè pou mèt agwe
Si lapli bannou kout ba
Kat sezon
Adje konpè
Konnen ti jezi asòs ak mèt ogou
Sou do kiltivatè
Sèkèy ti peyizan se sechrès
Adje kòmè lamizè se biznis bondye

Lamizè lote twa pou dis nan bak machann Ayiti
De ran dlo, de ran larim
Chak krache l s’on politichen

Luis Evens Sergio ALEXIS

LAISSER UN COMMENTAIRE

Please enter your comment!
Please enter your name here